Ամերիաբանկը ճանաչվել է Հայաստանի լավագույն բանկ աշխարհահայտն ֆինանսական ամսագրի կողմից։ Այս հեղինակավոր մրցանակը բանկը ստացել է 11-րդ անգամ՝ ցույց տալով իր կայուն առաջատար դիրքերը հայկական ֆինանսական ոլորտում։
Հաղթողները, որոնց թվում է նաև Ամերիաբանկը, ընտրվել են աշխարհի շուրջ 150 երկրից և տարածքից՝ հիմնվելով բազմաթիվ կարևոր չափանիշների վրա։ Գնահատման գործընթացում հաշվի են առնվել ակտիվների աճը, եկամտաբերությունը, աշխարհագրական ծածկույթը, ռազմավարական գործընկերությունները, բիզնեսի զարգացումն ու նորարարությունը։ Վերլուծությունն իրականացվել է ֆինանսական շուկաների և վարկանիշային գործակալությունների մասնագետների, բանկային խորհրդատուների և ոլորտի այլ փորձագետների կարծիքների հիման վրա։
Ամսագիրը նշում է, որ 2026 թվականի մրցանակակիր բանկերը կարողացել են հաջողությամբ գործել բարդ և անկանխատեսելի շուկայական պայմաններում՝ արձագանքելով իրենց հաճախորդների կարիքներին և հիմք դնելով ապագա հաջողությունների համար։
Ամերիաբանկի Գլխավոր տնօրեն Արտակ Հանեսյանը նշել է, որ այս մրցանակը հաստատում է բանկի հանձնառությունը՝ մարդակենտրոն մոտեցում պահպանելու, թվային հարթակները զարգացնելու և տեխնոլոգիական նորարարություններին համընթաց քայլելու։ Նա նաև ընդգծել է, որ այս հաջողությունը մեծ պատվաբեր է և միաժամանակ պարտավորեցնում է բանկին շարունակել տրամադրել միջազգային որակի ֆինանսական ծառայություններ և գործարար լուծումներ։
Ամերիաբանկը, որպես Lion Finance Group (LFG) միջազգային ֆինանսական խմբի մաս, արդեն ապրիլի 20-ին պաշտոնապես միացել է աշխարհի առաջատար բորսաներից մեկի՝ Լոնդոնի ֆոնդային բորսայի (London Stock Exchange) FTSE 100 ինդեքսին։
Ամերիաբանկը Հայաստանի տնտեսական ոլորտի առաջատար հաստատություններից է, որը շարունակաբար ներդրումներ է կատարում թվային փոխակերպման ռազմավարության շրջանակում՝ առաջարկելով շուկայում եզակի պրոդուկտներ, ծառայություններ և նորարարական հարթակներ։
